SpaceX ва Tesla раҳбари Илон Маск Лос-Анжелесдаги ўз офиси ёнида ер ости туннелини қуриш бўйича ишларни бошлади. Бу ҳақда Wired ёзмоқда.

Ўтган дам олиш кунлари ишчилар SpaceX ёнида тажриба сифатида кенглиги 30 фут, узунлиги эса 50 фут бўлган туннелни қазишди. Унинг чуқурлиги 15 футга тенг бўлган.

Таъкидланишича, Маскка ўз компаниялари ҳудудида ишларни олиб бориши учун ҳукумат рухсати шарт эмас. Ҳозирча, туннель айнан қаерга олиб бориши номаълум: Tesla офисигами ёки аэропортга.

Аввалроқ Илон Маск Лос-Анжелес тагида туннель қазиши ҳақида хабарлар тарқаганди. У шу йўл билан тирбандликка қарши курашмоқчи.