Франциянинг «Лилль» жамоаси кейинги учрашувига аёлларни текинга киритади. Жамоа ўтган турда «Лион»га қарши ўйин вақтида мухлислар кўтарган таҳқиромуз баннер туфайли келиб чиққан можаро фонида шундай қарорга келган. Ўшанда меҳмон жамоа мухлислари қуйидаги ёзувлар туширилган баннерни кўтарганди: «Эркаклар — стадионга, аёллар — ошхонага».

Шундан сўнг ижтимоий тармоқларда бу ҳодиса муҳокама қилина бошланди.

Изоҳ сўраб ёзилган твитлардан бирига «Лион» президенти Жан-Мишель Ола жавоб ёзади ва бу баннерни кўтарган мухлис жазоланишига ваъда беради.

31 январь куни эса «Лилль» жамоаси твиттерида аёл мухлислар жамоанинг кейинги турда, 4 февраль куни «Лорьян»га қарши учрашувига текинга киритилиши ҳақидаги эълон берилди.