«Насаф» ОЧЛ саралашидаги биринчи ўйинда йирик ҳисобда ғалаба қозонди

Спорт 31 Январь 2017 9242

Осиё Чемпионлар Лигаси–2017 турнири ўтиш босқичида Қаршининг «Насаф» жамоаси Баҳрайннинг «Ал-Ҳидд» клубига қарши баҳс олиб борди. Тошкентдаги «Бунёдкор» стадионида кечган баҳс қаршиликлар жамоасининг 4:0 ҳисобидаги ғалабаси билан якунланди.

Ўйинни фаол бошлаган «Насаф» аъзолари 16-дақиқада ҳисобни очишга муваффақ бўлди. Стандарт вазиятдан Акмал Шораҳмедовнинг узатмасидан кейин Шаҳбоз Эркинов боши билан рақиб дарвозасини ишғол қилди.

10 дақиқада «Насаф» ҳисобни оширди. Иккинчи гол ҳам биринчиси каби стандарт вазиятдан ва Акмал Шораҳмедов узатмасидан кейин киритилди. Бу сафар гол муаллифи Игорь Голбан бўлди – 2:0.

Учрашувнинг 76-дақиқасида захирадан майдонга тушган Дониёр Нарзуллаев ҳисобни йирик кўринишга олиб келди. Ўйин якунида Драган Черан «Насаф»нинг йирик ғалабасига ҳисса қўшди.

Мазкур ғалабадан сўнг «Насаф» футболчилари ОЧЛ–2017 плей-офф босқичига йўл олди. Навбатдаги босқичда, 7 февраль куни Рўзиқул Бердиев шогирдлари гуруҳ босқичи йўлланмаси учун сафарда Саудия Арабистонининг «Ал-Фотиҳ» клуби билан куч синашади. Ўша учрашувдаги ғалаба жамоани Осиё Чемпионлар лигасининг гуруҳ босқичига олиб чиқади.

ОЧЛ–2017 ўтиш босқичи

«Насаф» (Қарши) – «Ал-Ҳидд» (Баҳрайн) — 4:0

Голлар: Шаҳбоз Эркинов (16), Игорь Голбан (26), Дониёр Нарзуллаев (76), Драган Черан (90).

«Насаф»: 35. Санжар Қувватов, 2. Акмал Шораҳмедов, 6. Азиз Ғаниев, 15. Шаҳбоз Эркинов (Бобир Абдухолиқов, 78), 18. Баҳром Абдураҳимов, 20. Ислом Кенжабоев (Дониёр Нарзуллаев, 68), 22. Игорь Голбан, 23. Шерзод Аъзамов, 33. Одилжон Ҳамробеков (Дилшод Раҳматуллаев, 85), 34. Фаррух Сайфиев, 69. Драган Черан.

«Ал-Ҳидд»: 1. Аббос Аҳмад, 2. Абдулла Фатади (Аҳмад Алхаттал, 55), 6. Уче Агба, 7. Муҳаммад Ал-Довуд, 10. Акарандут Орок, 15. Иброҳим Ал-Обайдли, 16. Саид Муҳаммад Аднан, 17. Ифедайо Олусегун, 18. Иса Мусаббеҳ, 23. Рашид Ал-Ҳути, 24. Аҳмад Буғаммар.
Огоҳлантириш: Аҳмад Буғаммар (49).

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 7531 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 39659 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 62861 Ўзбекистон
Ўзбекистон 2019 йилдан хорижга чиқиш паспортларини жорий этади
17:00 / 16.08.2017 39670 Ўзбекистон
Бобурбек Мадраҳимов қандай қилиб тест синовларида 306,9 балл тўплади?
10:58 / 16.08.2017 142070 Жамият
Кун.uz офис изламоқда
15:48 / 06.08.2017 39431 Lifestyle
Миллий ахборот майдонида монополиянинг куни битди
18 август куни Ўзбекистонда ҳаво булутли бўлиши кутилмоқда
Давлат органлари ва ССП мутахассислари тадбиркорларни ўқитади
Давлат дон инспекцияси олдига янги вазифалар қўйилди
Кўпроқ янгиликлар