31 январь куни Тошкент шаҳрида "Ижтимоий инклюзия: болалар ижтимоийлашувидаги янги йўналишлар" мавзуидаги Халқаро конференцияга старт берилди. Унда давлат ва нодавлат органлар вакиллари билан бир қаторда етакчи хорижий экспертлар ҳам иштирок этишди. 

Kun.uz нашри мухбири Бутунроссия Тикловчи медиация ассоциацияси раиси (Москва), "Суд-ҳуқуқий ислоҳот" Маркази президенти Максудов Рустем Рамзиевичнинг бугунги тадбир борасидаги фикрлари билан қизиқди.

"Ўйлайманки, бугунги тадбир жуда муҳим аҳамиятга эга. Фикримча, бу турли инновациялар ва бугунги дунёда мавжуд тажрибаларга Ўзбекистоннинг жавобидир. Шу билан бирга у Ўзбекистондаги болалар ва оилаларнинг ҳаётини янада яхшилашга йўналтирилган. Бунда тажрибанинг қандай қўлланилиши муҳим аҳамият касб этади. 

Ғарб мамлакатлари, ривожланган давлатлар ва умуман дунё мамлакатлари бир-бирининг тажрибасидан фойдаланади. Шу ўринда таъкидлаш жоизки, тажрибани ҳаётга тадбиқ этишда мазкур жамоалар аҳоли ва давлат томонидан қўллаб-қувватланиши лозим. 

Шунингдек дунё тажрибасини тадбиқ этиш ва уни ривожлантиришда ўзаро ишонч ва сабр-қаноат ҳам жуда муҳим. Буюк мутафаккир Алишер Навоий айтганидек, "Сабрли инсон япроқдан ипак, атиргулдан эса асал яратишга қодир". 

Лола Исламовна Каримова раҳбарлиги остидаги марказ мазкур тажрибани республика кўламида қўллашда кўмак беради. Мен бугун ана шу марказда бўлишга муваффақ бўлдим ва бу жаҳон миқёсидаги тажриба деб ҳисоблайман, МДҲ давлатлари орасидаги энг яхши тажриба деса ҳам бўлади. У ердаги инсонлар, юқори технологиялар - барча-барчаси бизда катта қизиқиш уйғотди. Марказ фаолиятига ёндашув - юксак даражада", - деди Р.Р.Максудов.