Қорақалпоғистон Республикаси Жўқорғи Кенгесида мажлис бўлиб ўтди, деб ёзади Kruz.uz нашри.

Мажлисни Қорақалпоғистон Республикаси Жўқорғи Кенгеси Раиси М.Ерниязов бошқариб борган.

Мажлис кун тартибида Ўзбекистон Республикаси Президентининг Қорақалпоғистондаги "Халқ қабулхонаси"га кадр тайёрлаш масаласи кўриб чиқилди ва Қорақалпоғистон Республикаси Жўқорғи Кенгеси фармойиши билан Ҳакимбай Аширович Ҳалимов Ўзбекистон Республикаси Президентининг Қорақалпоғистон Республикаси "Халқ қабулхонаси" раҳбари этиб тайинланди.

Маълумот учун, Ҳакимбай Ҳалимов бунгача Ўзбекистон Республикаси Бош прокурори ўринбосари ва Қорақалпоғистон Республикаси Бош прокурори лавозимида ишлаган.