Strategy Analytics ҳисоб-китобларига кўра, 2016 йил 4-чорагида Apple смартфонлар савдоси бўйича 1-ўринни эгаллади, унга бозорнинг 17,8 фоизи тегишли бўлган. Samsung’нинг ҳиссасига бозорнинг 17,7 фоизи тўғри келган. Умуман олганда, охирги 3 ой ичида смартфонлар савдоси 9 фоизга ошиб, 438,7 млн қурилмани ташкил қилган. 

2016 йил давомида умумий ҳисобда 1,488 млрд дона смартфон сотилган ва йил якунларига кўра, Samsung бозордаги етакчиликни сақлаб қолган, унинг улуши 20,8 фоизни, Apple’ники 14,5 фоизни ташкил қилган. 

2016 йил 4-чорагига кўра смартфонлар бозори етакчилари

1. Apple (АҚШ) — 78,3 млн дона
2. Samsung (Жанубий Корея) — 77,5 млн дона
3. Huawei (Хитой) — 44,9 млн дона
4. OPPO (Хитой) — 29,5 млн дона
5. Vivo (Хитой) — 25,6 млн дона