АҚШнинг Техас штати Даллас шаҳри федерал суди ҳакамлар ҳайъати хулосасига кўра, Oculus компаниясини ZeniMax Media видеоўйинлар ишлаб чиқарувчисининг виртуал реаллик технологияларини ўғирлаган. Бу компания Facebook ижтимоий тармоғи томонидан 2014 йилда харид қилинган. Етказилган зарар 500 млн доллар миқдорида, деб хабар қилмоқда Bloomberg агентлиги.

Январь ойида Facebook асосчиси Марк Цукерберг суд мажлисида қатнашган ва интеллектуал мулкни ўғирлаш бўйича айбловларни рад этган эди. Унинг баёнот беришича, "Oculus маҳсулотлари Oculus технологиялари асосида ишлаб чиқарилади".

ZeniMax Media 2014 йилда Oculus стартапини судга берган эди. Ўша вақтда Facebook бу стартапни харид қилиш борасида музокаралар олиб бораётганди. ZeniMax айбловига кўра, Oculus унга тегишли бўлган интеллектуал мулкни ноқонуний ўзлаштирган. 

Айтиш жоизки, компаниянинг мурожаати қисман Oculus технологиялар бўйича директори ва дастурчиси Жон Кармэкка ҳам тегишли. Кармэк узоқ вақт мобайнида ZeniMax харид қилгунича, id Software компаниясида ишлаган. Кейинчалик, id Software фирмасининг янги хўжайини дастурчини Oculus янги технологияларини ишлаб чиқишга кўмак бериш мақсадида ZeniMax компьютер кодини ўғирлашда айблади. 

Facebook Oculus компаниясини 2014 йил баҳорида виртуал реаллик технологияларига бўлган барча ҳуқуқлар билан бирга харид қилди. 2015 йил февралида компания виртуал коммуникациялар борасида тадқиқот ишларини олиб борувчи янги бўлимини очди.