«Манчестер Сити» бош мураббийи Хосеп Гвардиола АПЛ 23-тури доирасидаги «Вест Ҳэм» устидан қозонилган ғалабадан (4:0) сўнг «Челси» ва чемпионлик кураши борасида гапириб ўтди.

«Антонио Контеда хавотир олиш учун сабаб йўқ. Сабаби «Челси» энг яқин таъқибчиларини 9 очкога ортда қолдирмоқда. Кўринишидан энди фақатгина уларнинг ўзлари чемпионликни қўлдан бой бериб қўйишлари мумкин.

«Челси» билан жадвалдаги тафовутимиз жуда катта, аммо биз сўнгги дақиқаларгача курашамиз ва чемпионлар лигаси йўлланмасини қўлга киритишга ҳаракат қиламиз. Атрофимизда жуда кучли жамоалар жойлашган, аммо улардан ортда қолишни истамаймиз», деган Гвардиола.

Эслатиб ўтамиз, ортда қолган 23 турдан кейин «Челси» Англия чемпионати жадвалида пешқадамлик қилмоқда. Жамоа «Арсенал» ва «Тоттенҳэм»ни 9, «Ливерпуль» ҳамда «Манчестер Сити»ни эса 10 очкога ортда қолдириб кетган.