АҚШ президенти Дональд Трампнинг баёнот беришича, Эрон АҚШни «умуман ҳурмат қилмайди» ва «биринчи рақамли террорчилик давлати» ҳисобланади. Бу ҳақда у Fox News телеканалига берган интервьюсида сўз юритди, деб хабар қилмоқда РИА Новости.

«Эрон умуман бизнинг мамлакатимизни ҳурмат қилмайди. У биринчи рақамли террорчи давлатдир. У маблағларини қуролланишга сарфлайди», — деган Трамп. 

Трамп Эронга нисбатан санкциялар қўллаш ёрдамида сиёсат юритишга ваъда берар экан, АҚШ «буни аллақачон бошлагани»ни қўшимча қилди.

Америка давлат раҳбарининг қайд этишича, ўз ҳаракатларини олдиндан маълум қилмайди. Трампнинг сўзларига кўра, у ҳар доим Барак Обамани Америка ҳарбийлари «Мўсулга ёки бошқа ҳудудларга» сафарбар қилинаётганини аввалдан айтгани учун танқид қилиб келган.