«Манчестер Юнайтед» бош мураббийи Жозе Моуриньо жамоасининг АПЛдаги ўйинларига баҳо бериб ўтди.

«Менинг жамоаларим узоқ йиллардан бери яхши ўйин кўрсатиб келмоқда. Айниқса Англияда. Мен мураббийлик қилган жамоалар ҳимояда жуда зўр ўйнаб, қарши ҳужумларда шафқатсиз бўлган, бироқ «бу етарли эмас...» қабилидаги гапларни ҳар ҳафта эшитяпман. Шунга қарамай, мен уч марта Англияда чемпионликни қўлга киритганман.

Бироқ, бу мавсумдан ҳимоядаги ва қарши ҳужумдаги ажойиб классик ўйин санъат асари деб баҳоланмоқда. Бу Англия учун катта ўзгариш.

Ўйин услубимизни ўзгартирмоқчи эмасман. Қандай ўйнаётган бўлсак, шундай давом эттирамиз. Мен зўр ўйнаб, вазиятлар яратадиган, лекин якунда мағлубиятга учрайдиган жамоа мураббийи бўлиб ишлашни истамайман. Биз гол уришимиз керак ва «Лестер»га қарши учрашувда буни уддаладик», — дея гапириб ўтган Моуриньо.

Эслатиб ўтамиз, жорий мавсумда жуда кўплаб ўйинларда очко йўқотган жамоа ўйинига сабаб қидираркан Моуриньо, жамоаси зўр ўйнаётгани, вазиятлар яратсада, омад келмагани туфайли натижага эриша олмаётганини таъкидлаб келарди.