Эски автомобиллар харидорларни нафақат ўз услуби ва тарихи билан жалб этади, балки сармоя киритишнинг энг ишончли усулларидан бири экани билан ҳам эътиборга лойиқдир. АҚШнинг Аризона штати Скоттсдейли шаҳрида бўлиб ўтган коллекция автомобиллари ким ошди савдоси дунёнинг 30 мамлакатидан келган бой меҳмонларни бир жойга тўплади. 35та автомобилнинг ҳар бири камида 1 млн доллардан сотилди. 

Бу борада энг қиммат автомобиль сифатида 1963 йилда ишлаб чиқилган Jaguar топилди. Bonhams ким ошди савдо уйи томонидан қўйилган машинани 7,37 млн доллар эвазига харид қилишди.

Коллекция автомобилларини суғурталовчи Hagerty компаниясига кўра, умуман бир ой мобайнида 3486 дона автомобиль 259,8 млн долларга сотилган. Қуйида эса, уларнинг энг қимматлари билан танишиш имконига эгасиз: 

1939 йилда ишлаб чиқилган Mercedes-Benz 540K Special Roadster RM Sotheby's аукционида 6,6 млн долларга янги эгасини топди.

 

1952 йилги Ferrari 340 America Competizione Spider, Bonhams ким ошди савдосида 6,38 млн долларга сотилди.

 

4,81 млн доллар эвазига Bonhams савдо уйида сотилган Mercedes-Benz Typ S Sports Tourer 1928 йилда ишлаб чиқилган. 

 

Ferrari 365 GTS Spider 1969 йилда ишлаб чиқилган бўлиб, RM Sotheby's аукционида 3,6 млн долларга сотилди.

 

Бир неча йилдан сўнг, бир асрни қаршиловчи, аниқроғи 1925 йилда ишлаб чиқилган Bugatti Type 35 Grand Prix Roadster автоси Gooding & Company томонидан ўтказилган ким ошдида 3,3 млн долларга баҳоланди.

 

1995 йилда ишлаб чиқилган Ferrari F50 Coupe купеси эса RM Sotheby's аукционида 3,1 млн доллар эвазига янги хўжайинли бўлди.

 

1961 йилги Ferrari 400 Superamerica Coupe яна ўша RM Sotheby's савдо уйи томонидан 3,08 млн долларга сотилди.

 

Ferrari 500 Superfast Series I Coupe купеси 1965 йилда ишлаб чиқилган. Албатта, суратдаги эмас, аммо худди шунинг ўзгинаси Gooding & Company томонидан 2,92 млн долларга баҳоланди.

 

1931 йилда йиғилган Alfa Romeo 6C 1750 Gran Sport Spider ўз навбатида Bonhams ким ошди савдосида 2,8 млн долларга сотилди.