ФИФА ҳакамлик департаменти ўзбекистонлик ФИФА рефериси Равшан Эрматовни 2018 йилги жаҳон чемпионатида ишлаши мумкин бўлган ҳакамлар рўйхатига киритган ва уни Италиянинг Коверчано шаҳрига шу йилнинг 3-7 апрель кунлари ўтказиладиган семинарга таклиф этган.

2018 йилги ЖЧ учун тайёргарлик босқичи ўрнини ўтайдиган бу семинарда 53 нафар ҳакам иштирок этади.

ОФКдан таклиф этилган ҳакамлар сони 7 нафар.

Равшан Эрматов 2010 йили ЖАРда ва 2014 йили Бразилияда ўтказилган мундиалларда ишлаб, жами 9та учрашувни бошқарганди. Бу эса жаҳон рекорди ҳисобланади.