АҚШ президенти Дональд Трамп ва Туркия президенти Ражаб Тоййиб Эрдўған биринчи марта телефон орқали суҳбатлашишди. Бу ҳақда Daily Sabah нашри хабар қилмоқда.

Давлат раҳбарларининг мулоқоти 45 дақиқа давом этган ва ижобий кайфиятда бўлиб ўтган, дея қайд этган газета манбалари. 

Нашрнинг қайд этишича, расмий Анқара маъмурияти Вашингтон билан муносабатларини «янгидан» бошлашни режалаштирмоқда ва АҚШнинг янги маъмурияти президент Барак Обама даврида йўл қўйилган «хатоларни такрорламаслиги»га умид қилмоқда. 

Бундан ташқари, Туркия ҳукумати Трамп маъмуриятининг туркиялик мухолифатчи Фатҳуллоҳ Гуленни экстрадиция қилиш бўйича ижобий қарор қабул қилишини кутиб қолмоқда.