Эрон Теҳрондан шарқ томонда жойлашган парвоз майдончасидан яна бир ракетани учирди. Айнан шу майдончадан январда ракета учирилганди. Бу ҳақда америкалик амалдорга иқтибос келтирган ҳолда Fox News телеканали хабар берган.  

Маълум қилинишича, "ер-ҳаво" туридаги кичик масофаларга мўлжалланган Mersad ракетаси 8 февралда учирилган. У учирилган жойидан 56 км узоқликда ерга тушган.

30 январда Эрон ўрта масофаларга мўлжалланган баллистик ракета синовини ўтказгани маълум қилинганди. АҚШ шу муносабат билан 3 февралда Эронга янги санкциялар киритган.