Ўзбекистонда илк бор расман биринчи “яшил дружиначилар” рўйхатдан ўтказилди. Улар экологик назорат бўйича жамоат инспекторларидир.

Бундай дружиначиларнинг ваколатларига атроф-муҳит ҳолатини кузатиш, унинг ифлосланишига олиб келувчи ҳолатларни аниқлаш киради. Шунингдек, улар табиий ресурслардан норационал фойдаланиш, соғлиққа таҳдид уйғотувчи вазиятларни топади, давлат органлари ва фуқароларни атроф-муҳитдаги ўзгаришлардан бохабар этади, аҳоли ўртасида тарғибот-ташвиқот ишларини олиб боради.

Эндиликда табиатни асраш соҳасидаги қонунчиликни бузиш ҳолатларини аниқлаш ва бартараф этишни истаган ҳар бир фуқаро табиатни муҳофаза қилиш Давлат қўмитаси қошидаги табиатни асраш соҳаси бўйича мутахассисларни қайта тайёрлаш ва малакасини ошириш марказида таҳсил олиши мумкин. Улар учун махсус дастур ва курслар ишлаб чиқилган бўлиб, бундан муваффақиятли ўтганларга жамоат инспектори мақомидан дарак берувчи гувоҳномалар топширилади.