Асад Трамп билан ҳамкорлик қилиш учун шартини билдирди

Жаҳон 10 Февраль 2017 16717

Сурия президенти Башар Асад АҚШнинг янги президенти Дональд Трампнинг маъмурияти билан ҳамкорлик қилишга тайёрлигини маълум қилган. Унинг сўзлари Yahoo News томонидан келтирилган.

Сурия раҳбарининг айтишича, мамлакатнинг амалдаги ҳукумати Трамп билан ҳамкорликдан умидвор, аммо бу ҳамкорлик «руслар ва америкаликлар яқинлашуви» эвазигагина рўй бериши мумкин.

Асад шунингдек, Трампнинг маъмуриятини Сурияга ИШИДга қарши курашиш учун америкалик ҳарбийлар рухсатсиз киришига йўл қўйилмаслигидан огоҳлантирган.

Бундан ташқари у Суриядаги вазият ҳақида гапириб, «хавфсиз ҳудуд» ташкил этиш ғоясини «ҳақиқатдан йироқ» ғоя сифатида баҳолаган.

Бундан олдинроқ Башар Асад АҚШ ва Россия ҳамкорлиги бутун дунё учун, шу жумладан Сурия учун фойда келтириши ҳақида айтиб ўтганди.

Кўпроқ янгиликлар