Ўзбекистон Республикасининг Россия  Федерациясидаги элчихонаси сайтида элчихонанинг янги биринчи котиби тайинлангани ҳақида маълумот пайдо бўлди. У матбуот билан шуғулланадиган бўлимга раҳбарлик қилади.

1News.uz сайтининг ёзишича, бу келиб чиқишига кўра ўзбекистонлик бўлган россиялик тадбиркор, Россиянинг энг нуфузли олигархларидан бири Алишер Усмоновдир.

Лекин сайтда Алишер Усмонов Бурхонович эмас, Алишер Усмонов Ҳамидхонович исми шарифи келтирилганди.

Эслатиб ўтамиз, ўтган йил охирида берган интервьюларидан бирида Алишер Усмонов Ўзбекистонга фойда берадиган барча нарсани қилишга тайёрлиги ҳақида айтиб ўтганди.

У Ўзбекистоннинг солиқ резидентига айланишга тайёрлигини маълум қилди, шунингдек, мамлакатдаги лойиҳаларга инвестиция киритиш ва бу ерда хайрия жамғармаси ташкил қилиш нияти ҳақида гапириб берганди.