Шавкат Мирзиёев Сурхондарёда балиқчилик комплекси лойиҳаси ва «Термиз марвариди» реконструкцияси билан танишди

Ўзбекистон 10 Февраль 2017 12161

Ўзбекистон президенти Шавкат Мирзиёев Термиз туманида ташкил этиладиган балиқчилик комплекси лойиҳаси билан танишди. Бу ҳақда ЎзА хабар берди.

Ўзбекистонда аҳоли фаровонлигини янада ошириш, халқимизни сифатли озиқ-овқат маҳсулотлари билан таъминлаш мақсадида чорвачилик, балиқчилик, паррандачилик каби соҳалар ривожига ката эътибор қаратилмоқда. Барча ҳудудларда шу йўналишга ихтисослашган янги корхона ва хўжаликлар ишга туширилмоқда. 

Бугунги кунда Сурхондарё вилоятида 186 балиқчилик хўжалиги фаолият юритмоқда. Энди уларнинг сафига «Термиз агро фиш экспорт» агрофирмаси ҳам қўшилади. 

Бу ерда балиқ етиштириш билан бирга балиқ озуқаларини ишлаб чиқариш, вилоятда етиштириладиган балиқ маҳсулотларини экспортга йўналтириш ишлари ҳам амалга оширилади. 

Корхонада Вьетнам технологияси асосида Африка лаққаси, карп каби балиқлар етиштирилади. Сувни мунтазам тозалаб беришга асосланган ушбу технология балиқ етиштириш самарадорлигини беш баробарга ошириши билан аҳамиятлидир. Комлексда 500 тонна балиқни қайта ишлаш, 105 иш ўрни ташкил этиш режалаштирилган. 

«Халқимиз балиқни луқмаи ҳалол деб аташида катта ҳикмат бор. Унинг таркибида инсон саломатлиги учун жуда муҳим бўлган элементлар, витаминлар мавжуд», деган президент. 

Сурхондарё балиқчилик билан шуғулланиш учун зарур табиий иқлим, сув захираларига эгалиги, бундан унумли фойдаланиш, ушбу тармоқни янада ривожлантириш учун махсус дастур ишлаб чиқиш кераклиги, балиқчиликни чуқур биладиган мутахассислар тайёрлаш мақсадга мувофиқлиги таъкидланди. 

Давлат раҳбари Сурхондарё вилоятида сув ресурсларидан самарали фойдаланиш лойиҳаси билан танишди. 

Лойиҳада вилоятдаги гидротехника иншоотлари, канал ва бошқа сув тармоқларини реконструкция қилиш, янгиларини қуришга қаратилган 122,7 миллион долларлик чора-тадбирларни амалга ошириш кўзда тутилмоқда. Унинг 89,5 миллион доллари Ислом тараққиёт банкининг кредити ҳисобига қопланади. Натижада вилоятнинг Шеробод, Сариосиё, Денов, Олтинсой, Шўрчи, Бойсун, Қумқўрғон туманларидаги 103,5 минг гектар майдонда сув таъминоти яхшиланади. 

Президент Ўзбекистон Республикаси Касаба уюшмалари федерацияси кенгашига қарашли «Термиз марвариди санаторияси» масъулияти чекланган жамиятида амалга оширилаётган реконструкция ишлари билан танишди. 

Учқизил сув омбори бўйидаги баҳаво ҳудудда жойлашган 140 ўринли ушбу сиҳатгоҳда беморлар физиотерапия ва маъданли сув, қум ва қуёш нурлари орқали даволанади. 

Бугунги кунда 80 ўринли сиҳатгоҳ биноси тўлиқ реконструкция қилинди. Кейинги босқичда 60 ўринли янги бино қуриш ва уни замонавий тиббий ускуналар билан жиҳозлаш, қозонхоналарни модернизациялаш, ҳудудда болалар майдончаси, футбол, волейбол, баскетбол, қўл тўпи ва бошқа спорт турлари билан шуғулланишга мўлжалланган стадион ва майдончалар барпо этиш режалаштирилган. 

Давлат раҳбари мутасаддиларга мазкур ҳудудда дам олиш комплекси қуриш бўйича зарур топшириқлар берди.

Кун янгиликлари
1 июндан бошлаб "GM Uzbekistan" барча автомобиллари сўмда сотилиши йўлга қўйилади
20:11 / 27.05.2017 141127 Технология
Ҳафталик: Мирзиёев сафарлари ва қарорлари, "Ахборот"нинг сўнгги кунлари, GM автомобилларининг ўзгарадиган нархи ва қарз ундирувчи янги бюро
19:36 / 27.05.2017 50975 Ўзбекистон
Мустақиллик шоҳ кўчасида йўлни ажратиб турувчи металл тўсиқлар олиб ташланди (фото)
17:34 / 27.05.2017 48955 Ўзбекистон
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 145031 Жамият
Манчини "Зенит" билан шартнома имзолагани Москвага йўл олди
00:57 57 Спорт
Канн кинофестивалининг бош совринини швециялик режиссёр олди
"СКА-Хабаровск" Россия премьер-лигасига йўл олди, "Арсенал" эса унда ўрнини сақлаб қолди
00:27 227 Спорт
Луиш Фигу Месси ва Рональду, "Барса" ва "Реал" ҳақида
23:43 / 28.05.2017 2625 Спорт
Қатор давлатларга Ўзбекистондан янги элчилар тайинланди
23:23 / 28.05.2017 2279 Ўзбекистон
Матьё "Барселона"дан кетишини маълум қилди
22:38 / 28.05.2017 1769 Спорт
Кўпроқ янгиликлар