Ўзбек олимлари ёнғин ўчириш хусусиятига эга бўлган газли контейнер учун Ўзбекистон интеллектуал мулк агентлигидан патент олишди.

Мазкур ихтиро ёнғин ўчириш техникасида қўлланилиб, пиротехникадан фойдаланмай туриб ишлай оладиган, ёнғин ўчирувчи газни бир маромда ўтиш йўли билан ёнғинни ўчира оладиган газли контейнердир.

"Ушбу цилиндр шаклидаги контейнер корпусдан иборат бўлиб, корпуснинг олд қисмида зарбли механизм ўрнатилган", деб хабар берилган Ўзбекистон интеллектуал мулк агентлиги матбуот хизматида.

Ихтиро ҳаммуаллифлари Бахтиёр Мавлянкариев, Ҳаёт Шарипов, Юрий Бобилев, Баҳодир Ҳотамов, Андрей Пен ва Эркабой Собировга ушбу ихтиро учун IAP 05316 рақамли патент берилган.