Хитой ҳукумати жорий йилда мамлакатнинг энг қашшоқ туманларида яшовчи 3,4 миллион кишини бошқа жойга кўчирмоқчи. Бу ҳақда "Синьхуа" агентлиги хабар берди.

Бундай чора Хитойда қашшоқликни тугатиш бўйича Давлат ривожланиш ва ислоҳотлар қўмитаси дастури билан ўтказилмоқда. Қўмита маълумотига кўра, 2016 йилда Хитойнинг 22 вилоятидаги қишлоқ жойлардан шаҳарларга 2,49 миллион киши кўчирилган. Фуқаролар уй-жой билан таъминланиб, транспорт ва ижтимоий инфратузилмадан кенг фойдаланмоқда.

Хитойда ҳаммаси бўлиб транспорт бориши муаммо бўлган, тоза ичимлик суви ва электр энергияси билан таъминланганлик даражаси жуда паст ҳисобланган аҳоли пунктларида 45 миллион киши истиқомат қилади.