Австриянинг Хохфильцен шаҳарчасида давом этаётган биатлон бўйича жаҳон чемпионатининг аёллар ўртасидаги қувлашмачоқ пойга турида ғолиблар номи маълум бўлди.

Спринт натижаларига кўра, иккинчи бўлиб стартга чиққан германиялик Лаура Далмайер 20та ўқ отишдан 19тасини аниқ амалга ошириб биринчи ўринни эгаллади. Қувлашмачоқ пойгани 1.28 дақиқа кеч бошлаб (27-ўринда) бошлаган беларуслик Дарья Домрачева 20тадан 20та аниқ ўқ отиш билан иккинчи ўринни эгаллади. Домрачева етакчидан 11 сонияга ортда қолди. Бронза медалини спринт ғолиби чехиялик (20тадан 18та аниқ ўқ отиш) Габриэла Коукалова қўлга киритди.

Эркаклар ўртасидаги қувлашмачоқ пойга Тошкент вақти билан 19:00да бошланади. Спринтда германиялик Бенедикт Долль ғалаба қозонган бўлса, Йоҳаннес Бё иккинчи, Мартен Фуркад учинчи ўринни қўлга киритганди.