Ҳиндистонда полиция Кайлаш Сатьяртига Нобель мукофоти берилгани ҳақидаги сертификатни ўғирлашда гумон қилинган 3 нафар шахсни қўлга олди. Бу ҳақда ANI хабар тарқатди.

Ҳуқуқ-тартибот органлари ходимлари Сатьяртининг уйидаги ўғирликдан бир ҳафта ўтиб, гумондорларни ушлаган.

Айни вақтда сертификат ва медал қўлга олинганларнинг ўзидами ёки бошқа жойдалиги маълум эмас.

Маълумот учун, 2014 йилда тинчлик бўйича Нобель мукофоти покистонлик мактаб ўқувчиси Малала Юсуфзай ва ҳиндистонлик 60 ёшли ҳуқуқ ҳимоячиси Кайлаш Сатьяртига берилган эди.