Австрия пойтахти Вена шаҳрида биткоинлар билан ишловчи дунёдаги биринчи банк очилди.

Биткоиннинг ўзи нима?

Биткоин – энг оммабоп виртуал валюта бўлиб, икки томон ўртасидаги электрон тўлов воситачиларсиз амалга оширилади. Шу билан бир қаторда, комиссия ёки жуда ҳам кичик, ёки умуман йўқ. Тизимдаги барча транзакциялар ҳақидаги маълумот ягона очиқ реестрда қайд этиб борилади.

Электрон валюталар тизимидаги амалиётларни кузатиш одатда жуда қийин бўлиб, биткоинларнинг транзакцияси учун ҳеч қандай шахсий маълумотлар керак бўлмайди. 

Венадаги «Bitcoin-Bank» банки Bit Trust Services Берлин стартап-компанияси томонидан очилди. У ерда мижозлар криптовалюта ҳақида тўлақонли маълумот олишлари ва тизимда рўйхатдан ўтишлари мумкин. Виртуал ҳамён эгалари эса ўз биткоинларини еврога ёки аксинча айирбошлаш имконига эгалар.

Австрия – иқтисодий тизимида биткоинлар айланишига тўсқинлик қилмайдиган кам сонли давлатлардан бири бўлиб, у ерда тахминан уч йил муқаддам биринчи биткоин-банкомат очилган. Вена шаҳрида қарийб 20 компания ва муассасалар биткоинларни тўлов учун қабул қилади.