Чиқиндилар, лой ва бутунлай харобазор. Олимпия ўйинларидан олти ой ўтиб, Рио-де-Жанейродаги йирик спорт иншоотлари жуда аянчли аҳволда: машҳур “Маракана” стадиони хароб ҳолатда, сузиш бассейнлари қуриб қолган, гольф майдони эса лойга тўла.

Қуйида Риодаги машҳур спорт объектларининг ҳозирги аҳволи тасвирланган суратларни тақдим этамиз.

1 миллион долларлик қарзи туфайли харобазорга айланган машҳур “Маракана” стадиони.
Фото: AFP
Олимпиададан сўнг ташландиқ жойга айланган гольф майдони.
Фото: Reuters

Ҳаммасидан ҳам “Маракана” стадионининг аҳволи аянчли. Қуртлар майсаларни еб тугатган, ойналар синдириб ташланган, томошабинлар ўриндиқлари эса юлиб олинган ва синдириб ташланган. Январь ойи охирида маҳаллий электр энергия компанияси стадионни жуда ҳам катта миқдордаги қарзлари туфайли чироқларсиз қолдирди.

Бундан ташқари, стадион бир неча бора жиноятчилар томонидан ҳужумга учради. Ўғрилар бу ердан ўт ўчириш қурилмалари, ичаклар, телевизорлар ва шарафига арена номланган журналист ҳамда ёзувчи – Марио Фильянинг бронза ҳайкалини ўмариб кетишди.

“Маракана” стадиони.
Фото: Associated Press
Стадионнинг бу аҳволга тушишида ўғриларнинг “хизмати” катта бўлди.
Фото: Associated Press
Фото: Associated Press
Стадиондаги юлиб олинган ўриндиқлар.
Фото: Associated Press
“Маракана”даги захира ўриндиғи.
Фото: Associated Press
Фото: AFP

Сув спорти турларига мўлжалланган ҳовуз қуриб қолди ва машғулотлар учун яроқсиз ҳолга келди. Икки арена, теннис маркази ва велодром ҳам харобазорга айланган.

 

Сув стадиони ичкарисидаги вазият.
Фото: Reuters
Сув стадиони ичкарисидаги вазият.
Фото: Reuters

Спорт иншоотлари етарли даражада ўйинчиларни жалб эта олмаганлиги, Олимпия қишлоғидаги турар-жойлар эса маҳаллий аҳоли учун қимматлик қилгани учун хароб ҳолатга келди.

Олимпия боғи.
Фото: Reuters
Фото: Getty Images
Фото: Associated Press

Бразилия спорт вазирлигидан маълум қилишларича, спорт объектлари жисмоний шахсларнинг ўзаро келишуви асосида қурилган. Бироқ сиёсий инқироз ва мамлакатда ҳукумат ўзгарганидан сўнг келишувлар ўз кучини йўқотди.

Фото: Getty Images
Болалар иншоотлардан ўйин майдонлари сифатида фойдаланмоқда.
Фото: Associated Press
Фото: Reuters

Февраль бошида Олимпия волейбол стадионида мусобақалар бўлиб ўтди. Ўйинни томоша қилишга келган ишқибозлар Олимпия боғининг ҳолатидан даҳшатга тушиб, уни давлат пулларининг ҳавога сочиб юборилиши, деб аташди.

Фото: Reuters

The Guardian газетаси эса Рио-де-Жанейродаги спорт иншоотларининг ҳозирги аҳволига бағишланган ўз видеосини тақдим этди.

Маълумот учун, Рио-де-Жанейрода Олимпия ўйинлари 2016 йилнинг 5-21 август кунлари бўлиб ўтганди...