Ўзбекистонда “Урганч-Хива” темир йўл линиясининг қурилиши бошланди. Бу ҳақда Хоразм вилояти ҳокимияти хабар берди.

Вилоят маъмурияти маълумотига кўра, Ўзбекистон Президенти Шавкат Мирзиёев 27-28 январь кунлари вилоятга ташрифи давомида лойиҳани амалга ошириш ҳақида топшириқ берган.

Президент ташриф давомида Урганчдан Хивага темир йўл линиясини ўтказиш ҳамда Хива шаҳрида замонавий вокзал қуриш, шунингдек, электропоездлар ҳаракатини, келажакда эса Afrosiyоb тезюрар поезди ҳаракатини йўлга қўйиш лозимлигини алоҳида таъкидлаб ўтди. 

Темир йўл линиясини ишга тушириш минтақадаги йўловчи ва юк ташишлар салоҳиятини оширади, деб таъкидлашган ҳокимиятда.