Ким Чен Иннинг акаси Шимолий Кореядаги тузумни танқид қилиб келган

Жаҳон 15 Февраль 2017 12382
Фото: © EPA/JEON HEON-KYUN

Шимолий Корея етакчиси Ким Чен Иннинг Малайзияда вафот этган катта акаси Ким Чен Нам Шимолий Кореядаги ижтимоий тузумни очиқчасига танқид қилган ва укаси Ким Чен Иннинг давлат бошқарувидаги қобилиятларига шубҳа билдирган. У бундай танқидий фикрларини хорижий ОАВ, жумладан япониялик журналист Ёдзи Гомига билдирган.

Ким Чен Ин отаси Ким Чен Ир вафотидан кейин Шимолий Кореядаги ҳокимиятни мерос қилиб олгандан сўнг Хитойда яшаган Ким Чен Нам "мамлакат сиёсий элитаси жорий сиёсий йўналишни давом эттириши, унинг укаси эса рамзий шахс бўлишини" айтган. "Отадан ўғилга ҳокимиятнинг учинчи марта топширилишини жиддий қабул қилиш мураккабдир", деб айтган ўшанда Ким Чен Нам. У шунингдек укасининг "бор-йўғи бир-икки йил машқлардан кейин" мутлақ ҳокимиятни бошқара олишига шубҳа қилган.

ОАВ маълумотларига кўра, Шимолий Корея ҳукумати  Ким Чен Намдан мамлакатдаги сиёсий тузумни танқид қилишдан тийилишни сўраган, бироқ у бундан кейин ҳам журналистлар билан суҳбатларини давом эттираверган. 

Ким Чен Нам 13 февралда ўзи яшайдиган Макаога учиб кетиши керак бўлган, бироқ тўсатдан ўзини ёмон ҳис қилиб, йўлда вафот этган. Унинг вафоти сабаблари ҳозирча ўрнатилмаган, унинг жасадини ёришга қарор қилинган. Марҳумга суиқасд қилинган бўлиши мумкинлиги тахмин қилинмоқда.

Ким Чен Нам 2001 йилдан бери хорижда, хусусан Макао, Малайзия ва Сингапурда яшаб келган. Баъзи маълумотларга кўра, 2011 йилда Макаода марҳумга суиқасд қилишга уриниш бўлган. Буни ташкил қилишда Шимолий Корея махсус хизматлари гумон қилиб келинади. 

Кун янгиликлари
Kun.uz Фарғона ва Қўқон ҳокимлари билан учрашади. Аҳолидан саволлар қабул қилинади
18:34 / 21.07.2017 10936 Ўзбекистон
Ўзингиз ва оёқларингизга роҳат берадиган Heritage гиламларини 30-40 фоиз чегирма билан харид қилинг
16:59 / 21.07.2017 3854 Жамият
Ўзбекистон мусулмонлар идораси 1 август имтиҳонида бўладиган “ўйин”ларга ўз муносабатини билдирди
10:03 / 21.07.2017 45512 Ўзбекистон
Ғайриқонуний ҳукм ёхуд суд устидан кимга шикоят қилиш керак?
09:52 / 21.07.2017 17924 Жамият
Миграция агентлиги раҳбари билан суҳбат: хорижда ишлаш, тест синовлари ва ҳужжатлар билан боғлиқ масалалар
12:34 / 20.07.2017 50626 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 86437 Жамият
Видео: Hyundai ҳақиқий ҳайдовчи билан краш-тест ўтказди
«Ўзбекэнерго» ва KEPCO энергетика соҳасида ҳамкорлик қилади
Ҳавайида КХДРнинг эҳтимолий ядро ҳужумига тайёргарлик кўриш бошланди
15:03 974 Жаҳон
Америкада ФҚБ таъқиб машинаси барча қурилмалари билан савдога қўйилди
Кўпроқ янгиликлар