Миср ўз минтақасида энергия захиралари сотувчи асосий марказга (энергохаб) айланмоқчи. Бу ҳақда Миср бош вазири Шариф Исмоил маълум қилди.  

Исмоилнинг таъкидлашича, Мисрнинг минтақавий энергохабга айланишида "табиий газ захираларининг ошишига олиб келган янги конлар" кўмак беради. Исмоилнинг фикрича, "Миср газ билан таъминланганликнинг янги босқичига чиқади ва бу тахминан 2 йилдан камроқ вақт олади". 

Исмоил бу ҳақда Қоҳирада EGYPS2017 нефть кўргазмаси очилишида айтди.

2015 йил августида Италиянинг Eni нефть-газ компанияси Ўрта ер денгизидаги энг йирик газ конини аниқлаган. Компаниянинг маълум қилишича, бу коннинг очилиши табиий газ соҳасида "супергигант кашфиёт" ҳисобланади. Кон Миср соҳиллари яқинида аниқланган. Zohr деб номланадиган бу коннинг захиралари 850 млрд куб метр газни ташкил қилади.