«ПСЖ» футбол клуби Чемпионлар лигасининг 1/8 финали илк учрашувида «Барселона»га ҳеч қандай имконият қолдирмади. Париждаги «Парк де Пренс» стадионида кечган баҳс 4:0 ҳисобида якунланган.

«Барселона» форварди Лионель Месси бутун учрашув давомида майдонда ҳаракат қилиб, парижликлар жарима майдончаси яқинида бирон марта ҳам тўпга тега олмади. Бундай ҳолат аргентиналик билан жорий мавсумда илк бора рўй берди, аввал у рақиб жарима майдончасида тўпга ҳеч бўлмаса бир бора текканди.

«ПСЖ» ва «Барселона» жамоаларининг жавоб учрашуви 8-март куни Барселонадаги «Камп Ноу» стадионида бўлиб ўтади.