Rossiya va O‘zbekiston o‘rtasidagi iqtisodiy hamkorlik bo‘yicha hukumatlararo komissiyaning 18-yig‘ilishi bo‘lib o‘tdi

Rossiya va O‘zbekiston o‘rtasidagi iqtisodiy hamkorlik bo‘yicha hukumatlararo komissiyaning 18-yig‘ilishi bo‘lib o‘tdi

Bugun, 15 fevral kuni Rossiya Federatsiyasi hukumat raisi o‘rinbosari Dmitriy Kozak boshchiligdagi delegatsiyaning  O‘zbekiston Respublikasiga tashrifi doirasida Toshkent shahridagi biznes-markazida ikki mamlakat o‘rtasidagi iqtisodiy hamkorlik bo‘yicha hukumatlararo komissiyaning 18-yig‘ilishi bo‘lib o‘tdi. 

Unda tomonlar ma'lumotlar almashish va 2016 yilning 25 martida Moskvada bo‘lib o‘tgan Hukumatlararo komissiyaning 17-yig‘ilishidagi protokol qarorlar ijrosiga oid masalalarni muhokama qilishdi. Shuningdek savdo-iqtisodiy va investitsion hamkorlik istiqbollari, huquqiy bazani yanada kengaytirish, transport, ilmiy-texnik sohalar rivoji, atrof-muhit muhofazasi kabi bir qator masalalarga to‘xtalib o‘tildi. 

Komissiya 2017 yilning aprel oyida O‘zbekiston Respublikasi Prezidenti Sh.M.Mirziyoyevning Rossiya Federatsiyasiga davlat tashrifiga sifatli tayyorgarlik ko‘rish zarurligi kontekstida mazkur yig‘ilishning ahamiyati katta ekani ta'kidladi.