15 февраль куни Россия Федерацияси бош вазир  ўринбосари Дмитрий Козак бошчилигидаги делегациянинг Ўзбекистонга ташрифи доирасида икки мамлакат ўртасидаги иқтисодий ҳамкорлик бўйича ҳукуматлараро комиссиянинг 18-йиғилиши бўлиб ўтди

Унда Ўзбекистон Республикаси бош вазир ўринбосари, Макроиқтисодий ривожлантириш, таркибий ўзгаришлар, хорижий инвестицияларни жалб этиш комплексининг раҳбари Рустам Азимов сўзга чиқди. 

Р.Азимов тор доирада бўлиб ўтган учрашувда кун тартибидаги энг долзарб масалалар муҳокама қилинганини таъкидлади ҳамда икки томонлама муносабатларнинг устувор йўналишларини санаб ўтди:

1. Товар айирбошлаш номенклатурасини кенгайтириш; 
2. Россияга сархил ва қайта ишланган мева-сабзавотларни етказиб беришни муваффақиятли амалга ошириш; 
3. Инвестицион ҳамкорлик салоҳиятини ошириш;
4. Минтақавий ҳамкорликни ривожлантириш;
5. Туризм соҳасидаги ҳамкорликни кенгайтириш;
6. Транспорт соҳасида ҳамкорлик қилиш;
7. Таълим соҳасидаги ҳамкорликни янада кенгайтириш;
8. Меҳнат миграцияси соҳасидаги ҳамкорлик.