«Арсенал» жамоаси собиқ футболчиларидан бири Мартин Киоун Чемпионлар лигаси нимчорак финали доирасида «Бавария»дан учралган йирик ҳисобдаги мағлубиятдан кейин клубда ўзгаришлар даври келгани ҳақида айтиб ўтди. 

«Арсен Венгер учун хафаман. Бу шармандали мағлубият. «Бавария» «Арсенал»ни шунчаки яксон қилди.

Венгер энди жамоада қолиш-қолмаслиги борасида яхшилаб ўйлаб кўриши керак, чунки у шармандали ҳисобда ютқазди. Ҳеч қачон у клубдан кетиши керак дейишни истамагандим, аммо ҳозир унинг «Арсенал»даги фаолияти энг қуйи даражага тушди.

Унга жамоа ўйинини кузатиш оғриқли экани кўриниб турибди. Мен унга ачинмоқдаман, унда ўзини ҳимоя қилиш учун сўз қолмади. Венгер 20 йил «Арсенал»да ишлади, у жуда яхши ишлади. Аммо энди «Арсенал»да тушкунлик даври. Кўринишидан, бир давр якунига етмоқда.

Венгер бўйича қарор қабул қилинса керак. Бундай ўйиндан кейин албатта бир қарор қабул қилиш керак», – деган Киоун BT Sport эфирида.