ФИФА президенти Жанни Инфантино маълум қилдики, ташкилот 2026 йилги жаҳон чемпионатини 3-4 давлат қабул қилиши бўйича ғояни қўллаб-қувватлайди.

«2026 йилги жаҳон чемпионати бир вақтнинг ўзида 3-4 давлатда ўтказилиши мумкин. Бу давлатларнинг ҳар бири турнир учун 3тадан 5тагача стадион ажратиши мумкин. ФИФА 2026 йилги турнир учун қўшма аризаларни қабул қилади. Бу аризалар ўзаро қўшни давлатлар томонидан топширилгани маъқулланади, бу турнирнинг ўтказилишини қулайлаштирувчи омил бўлади. Биз бундай ташаббусни рағбатлантирамиз», - дея Инфантинонинг сўзларини келтирган Reuters. 

Эслатиб ўтамиз, 2026 йилдан ЖЧ иштирокчилари сони 48тага оширилади. 

Тахминларга кўра, 2026 йилги ЖЧда Европадан 16 терма жамоа иштирок этади. Африка учун - 9,5 (бир терма жамоа ўтиш ўйинларида қатнашади), Осиёга – 8,5, КОНМЕБОЛга – 6,5, КОНКАКАФга – 6,5, Океанияга – битта квота ажратилади.