Покистоннинг Саҳвон-Шариф шаҳридаги Лаъл Шаҳбоз Қаландар мақбара-мажмуаси ҳудудида юз берган, 70дан ортиқ инсоннинг ҳаётига зомин бўлган теракт учун жавобгарликни ИШИД ўз зиммасига олди. Бу ҳақда Reuters ташкилотнинг ахборот воситаларига асосланиб хабар қилди.

Террорчилик ҳаракати 16 февраль куни кечқурун, Лаъл Шаҳбоз Қаландар мақбарасида кўплаб тақводорлар сўфийлик одатлари амалга оширилаётган вақтда содир бўлган.

Полиция маълумотига кўра, худкуш террорчи портловчи мосламани оломон ичида ишга туширган.

Теракт натижасида камида 70 киши ҳалок бўлиб, 100дан ортиқ киши жабрлангани маълум.