Шимолий Корея етакчиси Ким Че Иннинг ўгай акаси Ким Чен Намни атиги беш сонияда заҳарлашган. Бу ҳақда New Straits Times ёзмоқда.

Нашр маълумотига кўра, аёллардан бири Ким Чен Намга гапирганида, ортида турган иккинчи аёл уни заҳарлаган. Ҳозирча заҳар марҳумнинг организмига қандай қилиб киргани номаълум.

«Ҳужумчилардан ташқари жиноятга алоқадор бўлган бошқа шахслар ҳам борлигига ишончимиз комил», - дея полиция вакилининг сўзларини келтирган газета.

Малайзия полицияси 14 февраль куни Ким Чен Намнинг ўлимини тасдиқлади. Уни КХДР агентлари ўлдирган деган тахминлар бор.

Аввалроқ Малайзия полицияси Шимолий Корея етакчиси Ким Чен Иннинг акаси қотиллиги бўйича иккинчи гумонланувчини қўлга олгани ҳақида хабар бергандик.