Остонадаги Сурия бўйича музокараларда асирлар билан алмашиш механизмини шакллантириш, ҳалок бўлганларнинг жасадларини алмашиш бўйича банд юзасидан келишиб олинди. Бу ҳақда Россия қуролли кучлари бош штабининг бош бошқармаси бошлиғи ўринбосари Сергей Афанасьев маълум қилди. 

"Осон кечмаган учрашувлар давомида зўравонлик билан ушлаб турилган, авваламбор асир аёллар ва болаларни алмашиш механизмини шакллантиришга муваффақ бўлинди. Бундан ташқари, қўшма тезкор гуруҳ ҳақидаги низомга кўра, ҳалок бўлганларнинг жасадлари билан алмашиш банди киритилди, бу эса, фикримизча, ўзаро ишонч чораларини мустаҳкамлашга хизмат қилади", деб айтган Афанасьев Москва – Дамашқ – Остона видеокўприги давомида.