Германиянинг Porsche компанияси ўзининг автомобиллари орасидан энг ғаройиб товуш чиқарувчи моделларининг 5тасини танлаб олди. Ишлаб чиқарувчи ушбу спорткарлари иштирокидаги роликни YouTube саҳифасига жойлаштирди. 

Шундай қилиб, рўйхатнинг биринчи ўрнида 1970 йилларда ишлаб чиқилган 911 Carrera RS 2.7 спорткари бормоқда. У ўз вақтида чекланган миқдорда ишлаб чиқилган. Ундан сўнг, томи очиқ пойга машинаси 550 Spyder жойлаштирилган. 

Кучли учликни замонавий, 500 от кучига эга 911 GT3 RS купеси якунлайди. Бешликни 918 Spyder гибриди ва 5,7 литр ҳажмга эга атмосферали V10 мотори билан жиҳозланган Carrera GT суперкари тўлдиради.