«Тараққиёт стратегияси» Маркази ташкил этилди

Ўзбекистон 16 Февраль 2017 9703

Ўзбекистон давлат раҳбари «Тараққиёт стратегияси» марказини барпо этиш таклифини маъқуллади. У қатор жамоат ва давлат ташкилотлари ташаббуси билан ташкил этилади. Марказ Ўзбекистон Республикасини 2017-2021 йилларда ривожлантиришнинг бешта асосий йўналиш бўйича Ҳаракатлар стратегиясини амалга ошириш ҳамда «Халқ билан мулоқот ва инсон манфаатлари йили» Давлат дастурини ижро этиш доирасида ташкил этилмоқда. 

«Тараққиёт стратегияси» маркази нодавлат нотижорат ташкилоти мақомига эга бўлиб, Фуқаролик жамияти шаклланишини мониторинг қилиш бўйича мустақил институт, Ўзбекистон Республикаси Президенти ҳузуридаги амалдаги қонун ҳужжатларини мониторинг қилиш институти, Савдо-Саноат палатаси, Ўзбекистон адвокатлари палатаси, Ўзбекистон Республикаси Президенти ҳузуридаги Давлат бошқаруви академияси, Электрон оммавий ахборот воситалари миллий ассоциацияси, Ўзбекистон нодавлат нотижорат ташкилотлари миллий ассоциацияси унинг муассислари ҳисобланади. 

Марказ фаолияти Ўзбекистон Республикасини 2017-2021 йилларда ривожлантиришнинг бешта асосий йўналиши бўйича Ҳаракатлар стратегиясида кўзда тутилган чораларни ҳаётга татбиқ этиш ва ҳар томонлама қайта кўриб чиқиш, экспертлар ва жамоатчилик иштирокидаги муҳокамаларда саъй-ҳаракатларни бирлаштириш ҳамда мамлакатни модернизация қилиш ва демократлаштириш жараёнига фуқаролик институтлари вакиллари, мутахассислар ва олимларни кенг жалб қилиш билан боғлиқ бўлади. 

Марказ Ҳаракатлар стратегиясида белгиланган анжуманларнинг ахборот-таҳлилий баёни, илғор хорижий тажриба, халқаро ташкилотлар ва экспертларнинг баҳоларини ўрганиш ҳамда уларнинг кенг муҳокамасини ташкил этиш билан шуғулланади. 

Бундан ташқари, Ҳаракатлар стратегиясининг самарали ижроси, қонун, қонуности ва бошқа ҳужжатларнинг лойиҳаларини тайёрлаш, халқаро ташкилотлар, илмий-тадқиқот, ахборот-таҳлилий ва таълим муассасалари билан ҳамкорликни йўлга қўйиш ҳам Марказ вазифаларига киради. 

Техник кўмак бериш воситалари, халқаро ва маҳаллий ташкилотлар, ННТ, таҳлил ва ўрганишлар хизмати учун вазирлик ва идоралар томонидан тўланадиган хизмат ҳақлари ва бошқалар Марказнинг молиявий манбаси ҳисобланади. 

Шу билан бирга, Марказ фаолиятига кўмак бериш бўйича Мувофиқлаштирувчи кенгаш таркиби ҳам тасдиқланган. У Марказнинг давлат органлари билан ўзаро самарали ҳамкорлик қилишини таъминлайди ва унга юкланган вазифаларни ижро этишга ёрдам беради. 

Марказнинг ижрочи директори сифатида Акмал Бурҳонов тайинланган. У Олий Мажлис Қонунчилик палатаси депутати бўлиб, юридик ва таълим соҳалари, халқаро лойиҳаларда ишлаш бўйича етарли тажрибага эга мутахассисдир. Бурҳонов Япония университети битирувчиси сифатида, бироз вақт Нагоя университетининг Ўзбекистондаги ваколатхонаси ижрочи директори ҳам бўлиб ишлаган. 

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 13689 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 67817 Жамият
Кун.uz офис изламоқда
15:48 / 06.08.2017 37008 Lifestyle
Қирғизистонлик собиқ депутат Омурбек Текебаевга 8 йиллик қамоқ жазоси берилди
01:27 449 Жаҳон
Абдулла Арипов: «Ўзбекистон ва Қирғизистон ҳамкорлигига халақит берувчи тўсиқлар бартараф этилади»
Роналду 5 ўйинга дисквалификация қилингани ҳақида: бунинг отини атайлаб қийнаш дейилади!
01:07 846 Спорт
Давлат ва ОАВ: ахборот майдонида ҳаммага тенг шароит яратилиши керак
Шерзод Шерматов: "Келгуси йилда тест жавоблари ўша куниёқ эълон қилиниши мумкин"
Ўзбекистон Бадиий академияси фаолиятини ривожлантиришга доир қарор қабул қилинди
Ўзбекистон ва Қирғизистон ўртасидаги товар айланмаси 1,8 маротабага ошди
23:59 / 16.08.2017 609 Иқтисодиёт
Кўпроқ янгиликлар