Покистон ҳукумати "Торҳам" назорат-ўтказиш пункти ҳудудидаги Афғонистонга олиб ўтувчи йўлни ёпиб қўйди. Бу икки давлат ўртасидаги қатновлар амалга ошириладиган асосий йўл ҳисобланади

"Покистон-Афғонистон чегараси хавфсизлик чоралари доирасида ёпилди," - дея тасдиқлаган Покистон армияси матбуот хизмати раҳбари, генерал-майор Асиф Ғофур.

The Express Tribune маълумотига кўра, бу қарор мамлакат раҳбарияти ва ҳарбий қўмондонлик вакилларининг олий даражадаги шошилинч йиғилишида қабул қилинган.

Бу йиғилиш 16 февраль оқшомида Синд вилояти ҳудудидаги сўфийлар мақбараси ҳудудида содир этилиб, 74 кишининг ўлими ва 300дан ортиқ кишининг жароҳатланишига сабаб бўлган терактдан кейин чақирилганди.

Ушбу терактдан кейин Покистон армияси штаби бошлиғи генерал Камар Жавод Баджва расмий Исломобод мамлакатдаги террор тўлқинига қарши қатъий чоралар кўрилишини маълум қилди. Покистон томони бу теракт учун жавобгарликни Афғонистон ҳудудидан келган террорчилар зиммасига юкламоқда.

"Торҳам" назорат-ўтказув пунктидаги йўл 2016 йилнинг августида таъмирлаш ишлари якунлангач қайтадан очилганди. Бу йўлдан ҳар куни 20 мингга яқин киши ва юзлаб транспорт воситалари ўтади.