Samsung асл раҳбарининг ҳибсга олиниши компания фаолиятига қандай таъсир кўрсатди?

Жамият 17 Февраль 2017 6894

Жанубий Кореянинг Samsung Electronics электроника маҳсулотлари ишлаб чиқарувчисининг акциялари корпорация асл раҳбари Ли Чжэ Ённинг ҳибсга олиниши фонида бироз арзонлашди. Бундан савдо кўрсаткичлари дарак бермоқда.

Тошкент вақти билан 09.52 ҳолатига кўра Samsung Electronics акцияларининг Корея биржасидаги қиймати аввалги савдолар якунига қараганда 1,21 фоизга арзонлашган. Шу билан бир қаторда, аввалроқ компания қоғозлари 3,2 фоизга қадрсизланганди.

Корея ОАВларининг хабар беришича, Сеулдаги суд Samsung корпорацияси ҳақиқий раҳбари Ли Чжэ Ённи порахўрликда айблаб ҳибсга олиш ҳақида ордер берди. Бу мамлакат президенти Пак Кин Хе алоқадор бўлган йирик коррупция можароси билан боғлиқлиги айтилмоқда. Корпорациянинг асл раҳбари ўз иши бўйича суд қарори чиқарилишига қадар Йиван шаҳридаги қамоқхонада сақланади. Кореянинг Рёнхап агентлигининг маълум қилишича, бу ер пойтахтдан 15 километр жанубда жойлашган.

Тергов 28 февралга қадар якунланиши лозим ҳамда фақатгина Жанубий Корея президенти вазифасини бажарувчи бош вазир Хван Гё Аннинг розилиги билан яна бир ойга чўздирилиши мумкин.

"Биз суд жараёнида барча ҳақиқатлар ошкор бўлишига ҳаракат қиламиз", - дея Samsung’нинг Ли Чжэ Ён ҳибсга олинишидан сўнг берган қисқа баёнотидан иқтибос келтирган Рейтер агентлиги.

Маълумот учун, Samsung Electronics – электроника маҳсулотлари ишлаб чиқарувчи халқаро компания бўлиб, унинг қароргоҳи Сеулда жойлашган. 2016 йилда Samsung’нинг соф даромади 19,3 фоизга ўсиб, 19,5 миллиард АҚШ долларини ташкил этди.

Кун янгиликлари
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 46456 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 7266 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18565 Ўзбекистон
Президент Бекободга Олмалиқ билан мусобақалашишни таклиф қилди
Махсус сиртқи бўлимда ўқиш учун қабул қандай кечади?
“Ўзбекистон ҳаво йўллари” Boeing 767 Full-flight симуляторини ишга туширди
Тожикистон 2020 йилда электр энергияси экспортидан 120 миллион доллар фойда қилмоқчи
Инсон ҳуқуқлари бўйича вакил сайёр қабулларни амалга ошириши режалаштирилмоқда
Ўзбекистонда 2017 йилда қишлоқ жойларда уй-жойлар қурилишига 2,12 трлн сўм йўналтирилади
«Арсенал»ни сотиб олмоқчи бўлаётган миллиардер биринчи галда Венгерни ҳайдамоқчи
17:05 1666 Спорт
Кўпроқ янгиликлар