АҚШ президенти Дональд Трамп ИШИД террорчилик гуруҳини бутун дунё бўйлаб ўсиб бораётган саратон ўсимтасига қиёслади, деб хабар бермоқда ABC News телеканали.

"Биз ҳарбийларимизга дунёнинг катта ҳудудларида бегуноҳ одамларни қийнаётган ИШИДга қарши режа устида ишлаётган генерал, эндиликда мудофаа вазири Мэттисни юбордик", деб айтди Трамп.  

Трампнинг айтишича, ИШИД аввал дунёнинг турли бурчакларида кичик гуруҳлар шаклида бўлган, энди эса унинг таъсири катталашган. 

"Улар саратон каби тарқамоқдалар. ИШИД саратон каби тарқаган. Бу менинг олдимда турган яна битта муаммо", деб таъкидлаб ўтди АҚШ президенти. 

Аввалроқ CNN телеканали Пентагон ИШИДга қарши кураш учун АҚШнинг доимий жанговар бўлинмаларини Сурия шимолида жойлаштириш тавсияси билан чиқиши мумкинлигини маълум қилганди.