Mercedes-Benz компанияси Maybach маркасининг биринчи кроссовери G 650 Landaulet‘ни намойиш қилади. Янги машина премьераси Женевадаги халқаро автосалон доирасида бўлиб ўтади. 

Машина чекланган миқдорда, яъни 99 та нусхада чиқарилади. Автомобиль капоти остидан V12 ва 6.0  литр ҳажмли бензин двигатель жой олган. У 630 от кучигача эриша олади. Йўлтанламас ландолет туридаги кузовга эга. Бундай кузовда орқа йўловчилар ўриндиқлари устида очиладиган том бўлади. 

Фото:  Daimler AG

Машина салонида электроприводли, иситиш тизими, вентиляция ва массажёрга эга ўриндиқлар жойлаштирилган, олд йўловчи ўриндиғи эса оёқ қўйиш учун таглик билан жиҳозланган. Салонда шунингдек иккита 10 дюймли дисплей, климат-контроль, иситиш ва совитиш функцияларига эга бўлган стакан қўйгичлар ўрнатилган.