2020 йилга келиб инсониятнинг 60 фоизи, яъни 4,1 млрд киши интернетга кира олади, деб ҳисобламоқдалар Халқаро электр алоқа иттифоқи (ITU) мутахассислари.   

ITU маълумотларига кўра, 1989 йилда ихтиро қилинган интернетдан 2015 йил ҳолатига кўра сайёрамизнинг 43 фоиз аҳолиси (3,2 млрд киши) кира олган, ваҳоланки бу кўрсаткич 1995 йилда бор-йўғи 1 фоиз атрофида бўлган. 

ITU ҳисоб-китобларига кўра, 2016 йилда Америка қитъасининг  65 фоиз аҳолиси интернетга кира олган. МДҲда бу кўрсаткич 66 фоизни, Африкада – 25 фоиз, Европада – 79 фоиз, Осиё ва Океанияда – 42 фоиз, араб дунёси давлатларида 41 фоизни ташкил қилган. 

Интернетдан фаол фойдаланувчи давлатлар ўнталиги қуйидагичадир: Хитой, Ҳиндистон, АҚШ, Бразилия, Япония, Россия, Нигерия, Германия, Буюк Британия, Мексика.