Германия ташқи ишлар вазири Зигмар Габриэль "Норманд тўртлиги" формати АҚШ тимсолида 5-иштирокчи билан кенгайтирилмайди, деб хабар бермоқда "Украинские новости" нашри.

Габриэль бу ҳақда тўртликка кирувчи давлатлар (Украина, Россия, Франция ва Германия)  ташқи ишлар вазирлари учрашуви натижаларига кўра айтди. 

"Биз Рекс Тиллерсон билан суҳбатлашдик. Биз АҚШ билан яқиндан алоқа бўлишига келишиб олдик. Фикримизча, мавжуд форматни сақлаб қолиш керак ва АҚШ бунга рози бўлди", деб айтди Габриэль.

Лавровнинг айтишича, Минск келишувларининг муқобил шакли мавжуд эмас.