Кореялик вазир ўринбосари Ўзбекистондаги фаолиятини якунлади

Ўзбекистон 18 Февраль 2017 19758

Ўзбекистон билан меҳнат шартномаси муддати тугаганлиги муносабати билан, Ахборот технологиялари ва коммуникацияларини ривожлантириш вазирининг ўринбосари — АКТ бўйича маслаҳатчи Ким Нам Сок ҳамда Тошкент ахборот технологиялари университети проректори — АКТ бўйича маслаҳатчи Ли Чул Су юртимиздаги фаолиятларига якун ясадилар.

Шу муносабат билан, 17 февраль куни Ахборот технологиялари ва коммуникацияларини ривожлантириш вазирлигида марказий аппарат ходимлари иштирокида йиғилиш бўлиб ўтди, деб хабар қилмоқда вазирлик матбуот хизмати.

Ўзбекистон Республикаси Биринчи Президентининг 2012 йил 19-21 сентябрь кунлари Корея Республикасига амалга оширган ташрифи давомида ахборот-коммуникация технологиялари соҳасида икки томонлама ҳамкорлик қилиш бўйича имзолаган битимларни амалга ошириш мақсадида, жаноб Ким Нам Сок 2013 йилда юртимиздаги фаолиятини бошлаган эди.

Йиғилишда қайд этилганидек, жаноб Ким Нам Сок ўзининг самарали меҳнати фаолияти даврида мамлакатимизда электрон ҳукумат тизими ҳамда ахборот-коммуникация технологияларини жорий этиш бўйича салмоқли ишларни амалга оширди.

Жумладан, кореялик мутахассис Корея Республикасининг электрон ҳукумат ва АКТни жадал ривожлантириш бўйича муваффақиятли тажрибасини ўзлаштириш асосида ишлаб чиқилган “2013-2020 йилларда Ўзбекистон Республикасининг Миллий ахборот-коммуникация тизимини ривожлантиришнинг комплекс дастури”ни шакллантиришда фаол иштирок этган, бу йўналишда қатор соҳаларга оид стандарт ва таснифлагичларни, истиқболда Республика саноатида дастурий таъминот маҳсулотларини кенг жорий қилиш ва иқтисодиётнинг реал секторига АКТни жорий қилиш юзасидан таклиф-тавсияларни ишлаб чиққан.

Шунингдек, жаноб Ким Нам Сок Ўзбекистон Республикасининг барча ҳудудларида бўлиб, давлат органлари раҳбарлари ва маҳаллий бошқарув органлари масъул ходимлари учун ўқув семинарлари ўтказди.

Унинг таклиф-тавсиялари асосида мамлакатимизда "Электрон ҳукумат" тизимини ривожлантириш ҳамда Ахборот хавфсизлигини таъминлаш марказлари фаолияти йўлга қўйилди. Кореялик эксперт марказлар таркибий тузилмасини шакллантириш, бирламчи вазифаларидан тортиб, уларнинг ривожланиш йўналишларини ишлаб чиқишда ҳам фаол қатнашди.

Ким Нам Сок электрон ҳукумат ва иқтисодиётнинг реал сектори учун ахборот тизимлари ва дастурий маҳсулотлар ишлаб чиқарувчи «ЛГ CНС Узбекистан» ўзбек-корейс қўшма корхонасининг ташкил этилишида ҳам жонбозлик кўрсатган.

Умуман олганда, Ким Нам Сок Ўзбекистон Республикаси ва Корея Республикаси ўртасида АКТ соҳасидаги яқиндан ҳамкорликнинг янги босқичга кўтарилишида, Корея тажрибаси асосида Ўзбекистон ИТ бозорини ривожлантиришда муҳим рол ўйнади.

Ким Нам Сок 2016 йилда Ўзбекистон Республикаси Президентининг Фармонига кўра «Меҳнат шуҳрати» ордени билан тақдирланган.

Тадбирда Ким Нам Сок Ўзбекистон Республикасининг Биринчи Президенти Ислом Каримовга, Ўзбекистон Республикаси Ҳукуматига Ўзбекистонда самарали меҳнат қилиши учун яратиб берилган қулай шарт-шароитларга чуқур миннатдорчилик билдирди.

Ахборот технологиялари ва коммуникацияларини ривожлантириш вазирлиги жаноб Ким Нам Сокка мамлакатда электрон ҳукумат ва ахборот-коммуникация технологиялари соҳаси ривожига қўшган улкан ҳиссаси учун миннатдорчилик билдиради.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34847 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73393 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 138099 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 770 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2987 Жамият
Виталий Денисов футболга қайтганидан хурсанд
02:29 1740 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 2192 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Ла-лига. «Атлетико» бир киши кам бўлиб, мағлубиятдан қутулиб қолди
01:56 1399 Спорт
Кўпроқ янгиликлар