Россиялик таниқли шарҳловчи Дмитрий Губерниев ва франциялик биатлончи Мартен Фуркад Австриянинг Хохфильцен шаҳрида ўтаётган жаҳон чемпионати вақтида ўзаро учрашишди. Улар бундан аввалроқ юзага келган зиддиятли вазиятни муҳокама қилишган. Бу ҳақда шарҳловчи ўзининг инстаграмида хабар қолдирган.

«Биз Фуркад билан ярашиб олдик. Биз бир-биримизнинг сўзимизни тингладик ва бир-биримизни тушундик! Мен унга ўз сўзларимдан афсусдалигимни билдирдим. Мартен россияликлар жамоасига эътирози йўқлигини айтди. У ҳам, мен ҳам ўшанда ҳиссиёт билан ҳаракат қилгандик. Мен ярашиб олганимиздан хурсандман, Мартен ҳам хурсанд! Яшасин тинчлик!» — дея шарҳлаган вазиятни Губерниев.

У 9 февраль куни аралаш эстафета совриндорларини тақдирлаш маросими трансляцияси вақтида «Матч! Арена»даги тўғридан-тўғри эфири вақтида ўзини тутиб тура олмаганди.

«Мартен, сен шунчаки тўнғизсан. Бу ҳақда истасангиз бутун дунёга жар солишим мумкин», – деганди у.

Унинг бу сўзларига Фуркад эстафета вақтида россияликлар вакили Александр Логиновни чалиб юборгани сабаб бўлганди. Ўшанда тақдирлаш маросими вақтида Шипулин ва Логинов шоҳсупада Мартен Фуркаднинг қўлини сиқишни истамаган, шундан кейин франциялик спортчи шоҳсупадан кетиб қолганди.

Видео: Дмитрий Губерниев жонли эфирда француз биатлончисини тўнғиз деб атади