Эквадордаги президентлик сайловларининг 1-босқичидаги овозлар ҳисоб-китоб қилиб борилишига кўра, мамлакатнинг собиқ вице-президенти, етакчи "Мамлакат альянси" блокидан номзод Ленин Морено ўзининг энг яқин тақиб қилувчиси, мухолиф номзод Гильермо Лассо билан фарқни оширмоқда.  

Дастлабки маълумотларга кўра, 73,6 фоиз бюллетенлар қайта ишлангандан кейин Морено 38,7 фоиз сайловчилар овозини олган. Собиқ банкир Лассо эса 28,83 фоиз овоз тўплаган. 

1-босқичда ғолиб бўлиш учун номзод 50 фоиздан кўпроқ овоз йиғиши ёки 40 овоз тўплаган ҳолда ўзининг энг яқин тақиб қилувчисидан камида 10 фоиз кўпроқ овоз тўплаши керак. Агар ҳеч бир номзод бунга эриша олмаса, унда 2 апрелда сайловларнинг 2-босқичи бўлиб ўтади. Унда 1-босқичда энг кўп овоз тўплаган икки номзод иштирок этади. 

Сайловларда ютган номзод 24 майдан бошлаб президентлик лавозимини бажаришга киришади. Эквадорда президентлик муддати 4 йилга мўлжалланган.