«Манчестер Сити» раҳбарияти «Барселона» ҳужумчиси Лионель Мессини Англияга олиб келиш учун яна бир марта уриниб кўрмоқчи. Бу ҳақда The Mirror нашри хабар тарқатди.

Манбага кўра, бунинг учун «шаҳарликлар» «Барселона»га трансфер рекорди бўлган 100 миллион фунт (117 млн. евро) тўлашга тайёр бўлиб туришибди. Шунингдек раҳбарият бош мураббий Хосеп Гвардиоланинг азалдан Месси билан яхши муносабатда бўлганидан унумли фойдаланишни кўзламоқда. 

Эслатиб ўтамиз, олдинроқ, Месси Гвардиола билан боғланиб, уни «Барселона»га қайтишини илтимос қилгани ҳақида хабарлар тарқалганди.