Samarqand viloyatining Qo‘shrabot tumani yo‘llari shu qadar o‘ydim-chuqurki, aholi viloyat markaziga borib kelguncha tutdek to‘kilmoqda, deb yozadi 1news.uz “Jamiyat” nashriga tayanib. Ma'lum qilinishicha, transport vositalari bunday holatda ta'mirtalab holga tushmoqda,
Xabarga ko‘ra, 2015 yil iyunda tumandagi Koriz qishlog‘idan asfalt yotqizish boshlangan, ammo bir kilometrga borib-bormay ishlar taqa-taq to‘xtab qolgan.
Xabarda aytilishicha “Respublika yo‘l jamg‘armasining yo‘lni ta'mirlab berish haqidagi yoqimli va'dalari ham qog‘ozda qolib ketgan”. Qayd etilishicha, Yo‘l jamg‘armasiga pul to‘layotgan odamlarning sabr kosasi to‘lgan va mutasaddilardan amaliy ishni talab qilishmoqda.
