Шведча мазахлаш: Трамп яна «қовун туширди», Швецияда эса ҳаммаёқ тинч

Жаҳон 20 Февраль 2017 19922

АҚШ президенти Дональд Трамп 18 февраль куни Мельбурн шаҳрида (Флорида штати) сўзлаган нутқида Европанинг бир қанча мамлакатлари қочқинлар ва терактлар муаммосига дуч келгани ҳақида гапириб, Швецияни ҳам шундай мамлакатлар сирасига қўшиб кетганди.

«Бир кўринг, Швецияда кеча нима содир бўлди. Швецияда-я, ким ҳам ўйларди? Ким ҳам бунга ишонарди. Швеция катта миқдорда муҳожирларни қабул қилди ва унда иложи йўқ деб тасаввур қилинган муаммолар пайдо бўлди», деб айтганди Трамп.

Швециядагилар эса Трамп нимани назарда тутаётгани ҳақида кичик бўлсада тасаввурга эга эмасликларини билдиришмоқда. Баъзи нашрлар эса бу масалага ҳазиломуз ёндашиб, машҳур қўшиқчилардан бири конкурс вақтида кўнгилсизликка учрагани, бу эса техник носозлик туфайли рўй берганини ёзган. 

Швеция собиқ бош вазири Карл Бильдт эса твиттерида АҚШ президентига «қаттиқ зарба» берган.

«Швеция? Теракт? Менда саволлар туғилмоқда. Масалан, у нима чекиб олган?», дея ёзган у.

Бир қанча швецияликлар твиттерда Трампнинг чиқишига муносабат ўлароқ флешмоб ўтказишди. Улар #LastNightInSweden ҳештегини илова қилган ҳолда Швецияда осудалик ҳукмрон эканини ифодалашди. Кўп твитларда захархандалик билан фикр билдирилган.

«Швецияда ўтган оқшом»
«Швецияда даҳшат. Саҳна қулаб тушди»
«Бу вақтда душман Швеция чегарасини кесиб ўтмоқда»
«Терактга алоқадорликда гумон қилинганлардан бири қўлга олинди»
«Швецияда ҳужумдан олдинги ва ҳужумдан кейинги ҳолат»
«Ҳодисадан кейин Швецияда жамоат транспортида хавфсизлик чоралари кучайтирилди»
«Стокгольм кўчаларидан бирида ҳодиса ташкилотчиси қўлга олинди. У  радикал гномлар гуруҳи етакчиси»

 

Кун янгиликлари
Жаҳонгир тўшакка михланиб қолмасин: 22 яшар йигит ана шундай бахтсизлик ёқасида
12:52 / 22.07.2017 59249 Жамият
Имом Бухорий мажмуаси яқинида уйи бузилган оилалар товон пули олишолмаяпти
23:01 / 21.07.2017 32394 Жамият
Мирзиёев Тошкент вилоятидаги икки туман ҳокимини ва яна бир қанча амалдорларни ишдан олди 
21:40 / 21.07.2017 82360 Ўзбекистон
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 91595 Жамият
«Манчестер Сити» Данилони ўз сафига қўшиб олди
13:25 10 Спорт
Самарқанддаги Халқ қабулхонаси Президент ва халқ ишончини оқлаяптими?
12:50 1647 Жамият
Жиззахда уйида қиморхона ташкил этган шахс қўлга олинди
12:30 1918 Жамият
«Барселона» футболчилари Неймарни қолишга кўндирган бўлиши мумкин
12:15 2156 Спорт
Ҳонгконгга тропик пўртана ёпирилди
12:00 2084 Жаҳон
Олмазорда ҳовлиси учун харидордан 10 минг доллар олиб, ишлатиб юборган фирибгар қўлга олинди
11:45 1980 Жамият
Кўпроқ янгиликлар