Узоқ кутилган «Душанбе — Тошкент» рейси амалга ошмади. Сабаб?

Ўзбекистон 20 Февраль 2017 70526

Бугун, 20 февраль куни Тожикистон пойтахти Душанбедан Тошкентга келиши кутилган йўловчи самолёти келмади. 

Somon Air авиакомпанияси маълумотига кўра, рейс бекор қилинган. Компанияда айтилишича, 25 йил ичидаги биринчи мунтазам рейс бўлиши кутилаётган бу рейс орқали 26 нафар йўловчи Ўзбекистонга келиши керак эди. Рейс бекор қилингач, чипталар учун тўланган маблағлар йўловчиларга қайтарилган, баъзилари бошқа йўналиш учун алмаштириб берилган.

«Кун» таҳририяти «Ўзбекистон ҳаво йўллари» МАКнинг матбуот хизмати раҳбарига шу масала юзасидан маълумот олиш учун мурожаат қилди.

Унинг айтишича, Somon Air томони рейс амалга оширилиши учун тегишли расмиятчилик ишларини бажармаган, зарур ҳужжатлар жўнатилмаган.

У Тошкент аэропорти Душанбедан рейсни қабул қилишга тайёр эмаслиги ҳақидаги тахминларни инкор қилган. Айрим нашрларда шу мавзуда айтилганидек, Ўзбекистон томони бу рейсни асоссиз равишда «тақиқлаб» қўймаган. Бундан аввалги хабарларда Тожикистон авиакомпаниясидаги манбага асосланган ҳолда Тошкент аэропорти бу рейсни қабул қилишдан бош тортгани айтилганди.

Хусусан, Somon Air раҳбарияти бундай сўзлар тарқалгани учун «Ўзбекистон ҳаво йўллари»дан узр сўраган.

Яқин вақт ичида «Ўзбекистон ҳаво йўллари» матбуот хизмати бу борада расмий изоҳ беради.

Эслатиб ўтамиз, 10 февраль куни Душанбедан Тошкентга синов рейси амалга оширилганди. Бу рейс орқали Тошкентга Тожикистон авиация тизими делегацияси ва журналистлар келганди. Ўшанда 20 февралдан бошлаб мунтазам қатновларни йўлга қўйиш бўйича музокаралар олиб борилган.

Маълумот учун, Тожикистон ва Ўзбекистон ўртасидаги авиақатновлар 1993 йилда, қўшни давлатда юзага келган нотинч вазият туфайли тўхтатилган эди.

Ўтган вақт мобайнида 2 марта парвозларни қайта йўлга қўйишга келишилган, аммо бу келишувлар амалга ошмаганди.

Кун янгиликлари
Ўзбекистон делегацияси Бишкекда, хорижга чиқиш паспорти дараги, лотин ва кирилл машмашаси ҳамда куннинг бошқа хабарлари
20:40 / 16.08.2017 12427 Жаҳон
Соч тўкилиши нега ёшариб кетмоқда – мутахассис жавоб беради
10:01 / 16.08.2017 66976 Жамият
Кун.uz офис изламоқда
15:48 / 06.08.2017 36888 Lifestyle
Ўзбекистон Бадиий академияси фаолиятини ривожлантиришга доир қарор қабул қилинди
Ўзбекистон ва Қирғизистон ўртасидаги товар айланмаси 1,8 маротабага ошди
23:59 / 16.08.2017 374 Иқтисодиёт
Германияда жўнатмалар ўз эгаларига Ford электр фургонларида етказилади
23:50 / 16.08.2017 277 Технология
Президент таълим тизимидаги ислоҳотларнинг бориши бўйича мажлис ўтказди
23:49 / 16.08.2017 2893 Ўзбекистон
АҚШнинг собиқ президентлари Шарлоттсвилл воқеаларига муносабат билдиришди
23:46 / 16.08.2017 810 Жаҳон
Туркия Германиядан FETÖ раҳбарларидан бирининг топширилишини талаб қилмоқда
23:42 / 16.08.2017 468 Жаҳон
Ўзбекистон ва Қирғизистон чегараси ҳудудидаги зиддиятлар камаяди
23:40 / 16.08.2017 1544 Ўзбекистон
Кўпроқ янгиликлар